Að elska Guð á hverjum degi.

24.4.2009 | 12:49

Að elska Guð á hverjum degi.

"Elska skalt þú Drottin, Guð þinn, af öllu hjarta þínu, allri sálu þinni og öllum huga þínum.
Þetta er hið æðsta og fremsta boðorð."
Matt 22:37-38

    * Hvernig er bænarlífi þínu háttað þínu ?

    * Hvernær var það síðast sem þú varst ein/einn á bæn þar til þú fannst að þú varst ekki lengur ein/einn?

    * Hversu mikið elskar þú Drottinn?

Samband okkar við Drottinn verður stöðuglega að vera í vexti.
Bæn, að elska og lesa Orðið, að játa og tala út það sem tilheyrir Guði eru leiðir til að líf okkar verði gagntekið af ást til Drottins.
Við verðum að verða ástfangin af Jesú og halda áfram að vera ástfangin af honum og það er ómögulegt ef við ræktum ekki persónulega sambandið við hann.

Til að efla okkar lóðrétta ástarsamband við Guð eru þrjár leiðir, bænin, Orðið og tilbeiðslan.
Samkomur mega ekki vera eini tíminn í vikunni sem við tjáum Guði ást okkar.
Það verður fyrst gegnumbrot í andlegum vexti okkar þegar bænin, Orðið og tilbeiðslan eru hluti af kærleikssambandi okkar við Föðurinn á hverjum degi í tíma og ótíma.

Guð þráir persónulegt samband/samfélag við þig lesandi góður, það var nú einu sinni aðal tilgangurinn með að skapa okkur manneskjurnar til að byrja með.

Hann þráir að hjarta okkar og hugsanir séu stöðugt að leita hans, rannsaka Orð hans og leita hans vilja í öllum hlutum sem verða á vegi okkar í lífinu. Stórum sem smáum.

Gefðu þér tíma í dag til að elska Drottinn í bæn, tilbeiðslu og lestri í Orði hans.

Takk fyririnnlitið og ég bið að hinn Lifandi Guð snerti við þér og mæti þér á persónulegan hátt núna á þessari stundu í Jesú nafni, Amen.

Flokkur: Trúmál og siðferði | Facebook