BIBLÍAN

Hvernig fengum við Biblíuna? Guð sagði fólkinu að hann hefði ákveðið hvað ætti að segja og skrifa. Biblían segir: 2Pt 1:21 Því að aldrei var nokkur spádómur borinn fram að vilja manns, heldur töluðu menn orð frá Guði, knúðir af heilögum anda.

Guð er uppspretta allra upplýsinga í Biblíunni. Biblían segir: 2Tm 3:16 Sérhver ritning er innblásin af Guði og nytsöm til fræðslu, til umvöndunar, til leiðréttingar, til menntunar í réttlæti,

Biblían kynnir okkur fyrir Jesú Kristi. Biblían segir: Heb 1:1-2 Guð talaði fyrrum oftsinnis og með mörgu móti til feðranna fyrir munn spámannanna. En nú í lok þessara daga hefur hann til vor talað í syni sínum, sem hann setti erfingja allra hluta. Fyrir hann hefur hann líka heimana gjört.

Í hvaða tilgangi var Ritningin skrifuð? Rm 15:4 Allt það, sem áður er ritað, er ritað oss til uppfræðingar, til þess að vér fyrir þolgæði og huggun ritninganna héldum von vorri.

Hvað getur Ritningin gert fyrir þann sem trúir? 2Tm 3:15 Þú hefur frá blautu barnsbeini þekkt heilagar ritningar. Þær geta veitt þér speki til sáluhjálpar fyrir trúna á Krist Jesú.

Undir hvaða kringumstæðum er skilningi á guðlegum efnum lofað? Ok 2:1-6 Son minn, ef þú veitir orðum mínum viðtöku og geymir boðorð mín hjá þér, svo að þú ljáir spekinni athygli þína, hneigir hjarta þitt að hyggindum, já, ef þú kallar á skynsemina og hrópar á hyggindin, ef þú leitar að þeim sem að silfri og grefst eftir þeim eins og fólgnum fjársjóðum, þá munt þú skilja, hvað ótti Drottins er, og öðlast þekking á Guði. Því að Drottinn veitir speki, af munni hans kemur þekking og hyggindi.

Ekki sniðganga það sem þér kann að finnast óþægilegt. Jer 26:2 ...tala...öll þau orð, sem ég hefi boðið þér að tala til þeirra. Þú skalt ekki draga neitt orð undan.

Þegar þú skilur ekki það sem þú lest er Heilagur andi sendur þér til hjálpar. Biblían segir: Jh 16:13-14 En þegar hann kemur, andi sannleikans, mun hann leiða yður í allan sannleikann. Hann mun ekki mæla af sjálfum sér, heldur mun hann tala það, sem hann heyrir, og kunngjöra yður það, sem koma á. Hann mun gjöra mig dýrlegan, því af mínu mun hann taka og kunngjöra yður.

Biblían er leiðarvísir sem sýnir okkur hvernig við eigum að lifa. Biblían segir: Sl 119:19 Ég er útlendingur á jörðunni, dyl eigi boð þín fyrir mér.

Biblían veitir visku. Sl 119:99 Ég er hyggnari en allir kennarar mínir, því að ég íhuga reglur þínar.

Biblían býður hjálp þegar leiðin virðist óskýr. Sl 119:105 Þitt orð er lampi fóta minna og ljós á vegum mínum.

Biblían gefur okkur lög og reglur Guðs sem ekki munu breytast. Biblían segir: Mt 5:18 Sannlega segi ég yður: Þar til himinn og jörð líða undir lok, mun ekki einn smástafur eða stafkrókur falla úr lögmálinu, uns allt er komið fram.

Hvernig ættum við að rannsaka orð Guðs? Biblían segir: P 17:11 Þeir tóku við orðinu með allri góðfýsi og rannsökuðu daglega ritningarnar, hvort þessu væri þannig farið.

Hverja sagði Jesús vera sæla? Lúk 11:28 Hann sagði: Já, því sælir eru þeir, sem heyra Guðs orð og varðveita það.

Athugasemdir

[Þórarinn Þ Gíslason (IP-tala skráð) 13.3.2009 kl. 01:54]

Sæll Sverrir.

Og þakka  þér fyrir að vilja vera bloggvinur.

Það veitir svo sannarlega ekki af að uppfræða okkur daglega með tilvitnunum í Ritninguna ,sérstaklega í ljósi þess á hvaða tíma við lifum !

Takk fyrir það.

Kærelikskveðja.

[DoctorE (IP-tala skráð) 13.3.2009 kl. 11:42]

Biblían er skrifuð af mönnum til þess að stjórna mönnum, thats it.
Engir guðir eru til, þið deyjið þegar þið deyjið, lífið ykkar eina sóað í rugl.

[Sverrir Halldórsson, 13.3.2009 kl. 12:03]

Þakka þér fyrir innlitið DoctorE.

Ég bið Dottinn Jesú að gefa þér sjón, að hann svifti hulunni að hjarta þínu, huga og augum að þú mættir sjá það sem ég sé.

Einnig bið ég að þú eigir dásamlegan dag, að vernd og blessun fylgi þér hvar sem þú ferð.

í Jesú nafni.

Amen.

verði mér að minni trú.

[Mofi, 13.3.2009 kl. 15:26]

Takk fyrir góða færslu Sverrir.